O‘zbekistonda hududiy elektr tarmoqlari boshqaruvini xususiy sektorga berish boshlanadi
Prezident yer osti boyliklarini o‘zlashtirishga tadbirkorlarni keng jalb etib, ishlab chiqarishni ko‘paytirish muhimligini ta’kidladi. Shuningdek, “Hududiy elektr tarmoqlari”ning boshqaruvini xususiy sektorga berishda amaliy bosqich boshlanishi ma’lum qilindi.
Shavkat Mirziyoyev tadbirkorlar bilan ochiq muloqotda so‘nggi yillarda energetika sohasi isloh qilinib, xususiy sektorga keng yo‘l ochib berilgani, bu orqali 3,5 milliard dollarlik xususiy sheriklik loyihalari ishga tushdi va yana 31,5 milliard dollarlik 50 ta loyiha bo‘yicha ishlar jadal davom etayotganini ma’lum qildi.
Prezident “Hududiy elektr tarmoqlari”ning boshqaruvini xususiy sektorga berishda amaliy bosqich boshlanishini aytdi.
“Xususan, oktyabrda Samarqand viloyatidagi elektr tarmoqlariga xususiy operator jalb qilish bo‘yicha tender e’lon qilinadi. Kelgusi yil Jizzax va Sirdaryoda ham xuddi shunday ishlar amalga oshiriladi”, - dedi Shavkat Mirziyoyev.
Shuningdek, muloqotda yer osti boyliklarini o‘zlashtirishga tadbirkorlarni keng jalb etib, ishlab chiqarishni ko‘paytirish muhimligi ta’kidlandi. Shu yilning o‘zidayoq 150 tadan ortiq kon va maydonlar tadbirkorlarga sotildi.
“Yil yakunigacha yana 300 ta kon va maydonlar tadbirkorlarga taklif qilinadi. Qurilishda qum-shag‘alga ehtiyojni qoplash maqsadida 110 million kub metr zaxirali 172 ta kon ham tadbirkorlik uchun ajratiladi”, - dedi prezident.
Avvalroq, tadbirkor auksiondan yer sotib olganda unga QQS hisoblash bekor qilinishi ma’lum qilingandi. Shuningdek, Toshkent shahri va viloyat markazlarida sotilgan yer bo‘yicha xarid summasini uch yilgacha, qolgan hududlarda besh yilgacha, 4- va 5-toifa tumanlar uchun esa o‘n yilgacha bo‘lib to‘lashga ruxsat berilyapti.
Mavzuga oid
22:42 / 17.09.2024
Toshkentda Bobur ko‘chasining bir qismida avtomobillar harakati cheklanadi
15:20 / 17.09.2024
O‘zbekiston prezidenti Germaniya biznesi yetakchilari bilan qo‘shma uchrashuvda ishtirok etdi
14:08 / 17.09.2024
Mirziyoyev Markaziy Osiyo va Germaniya o‘rtasidagi amaliy sheriklikni rivojlantirish muhimligini ta’kidladi
12:59 / 17.09.2024