“Toshkent – Buxoro – Toshkent” yo‘nalishidagi Afrosiyob poyezdlarining 3 kunlik reyslari bekor qilindi

“O‘zbekiston temiryo‘llari” xabar berishicha, yo‘lovchilar Afrosiyob poyezdining o‘rniga quyidagi yo‘lovchi poyezdlardan foydalanishi mumkin:

• 12-sonli “Toshkent – Buxoro” “Sharq”;
• 56-sonli “Toshkent – Buxoro – Xiva”;
• 58-sonli “Toshkent – Buxoro – Shovot”;
• 72-sonli “Toshkent – Buxoro – Olot”;
• 125-sonli “Andijon – Toshkent – Buxoro – Xiva”;

“Xarid qilingan chiptalarni temiryo‘l chiptaxonalarida, elektron tarzda xarid qilingan chiptalarni esa chipta.railway.uz saytida qaytarishingiz mumkin. Chipta 100% qiymatda qaytariladi”, – deyiladi rasmiy izohda.

Eslatib o‘tamiz, 13 yanvar kuni Buxoro – Toshkent yo‘nalishidagi Afrosiyob poyezdi “Malik” stansiyasida to‘xtab qolgandi. “O‘ztemiryo‘lyo‘lovchi” bunga noqulay ob-havoni sabab qilib ko‘rsatgandi.