Yunusobod fojiasi: yakun

Qurbonlarning tört nafari Qaşqadaryo viloyatidan - ularning uç nafari Şahrisabz tumanidagi Beşkapa qişloğidan, (1989 yilda tuğilgan Oybek Abdullayev va 1999 yilda tuğilgan Davronbek Abdullayev amakivaççalar bölişgan, şu qişloqdan bölgan Jonibek Ravşanov 1989 yilda tuğilgandi), 1986 yilda tuğilgan Anvar Diyorov Yakkaboğ tumanidan edi, ikki nafari esa Samarqand viloyatidan - 1981 yilda tuğilgan Zarif Karimov Past Darğom tumanidan, 1996 yilda tuğilgan Ixtiyor Raxmatov Oqdaryo tumani Farmonobod qişloğidan edi.

Kompensatsiya

Quriliş işlariga mas'ul bölgan «Özbekiston temir yöllari» qurbonlarning oilalariga hamdardlik bildirib, bu oilalarga 100 million sömdan tovon puli ajratilib, tölab berilganini ma'lum qildi.

19 dekabr kunining ikkinçi yarmida qidiruv-qutqaruv işlari yakunlandi, hukumat komissiyasiga köra qurbonlarning oilalariga dastlabki kompensatsiyadan taşqari, qonunçilikka asosan qöşimça kompensatsiya mablağlari tölanadi.

Dafn marosimlari 19 dekabr kuni bölib ötdi. «Özbekiston temir yöllari» tomonidan ma'lum qilinişiça, marhumlarning dafn va motam marosimlarini ötkazişda ularning oila a'zolariga har tomonlama kömak körsatiş haqida topşiriq berilgan. Bundan taşqari, Qaşqadaryo va Samarqand viloyatlari hokimliklari va jamoatçilik vakillari marhumlarning oilasidan xabar olib, zarur yordam körsatmoqda.

Jamoatçilik reaksiyasi

Bu voqea butun jamoatçilikni qattiq larzaga soldi. Bu kunlar davomida ijtimoiy tarmoqlar foydalanuvçilari va blogerlarning sahifalarida motamsaro kayfiyat hukm surdi. Marhumlarga bağişlab marsiyalar yozildi, barça bir ovozdan aybdorlar jazolanişini talab qilmoqda. Yunusoboddagi fojia joyida odamlar gullar qoldirmoqda, metroning öşa qurilayotgan bekatiga «Quruvçilar» nomini beriş taklif qilinmoqda. 

ÖzLiDeP partiyasi vakili, deputatlikka nomzod Nuriddin Murodov mutasaddilar xalqdan uzr söraşi kerakligini aytdi. «Metroda sodir bölgan voqeani nazorat qiliş uçun taşkil etilgan komissiya tarkibida deputatlar ham bölişi kerak. Voqea-hodisani örganiş öz yöliga, undan oldin holat yuzasidan mutasaddilar xalqdan uzr sörasin... Xalqimiz yirik quriliş obektlarini qurib bitkazişni bayramlarga töğirlaşga mutlaqo norozi. Bizning partiya ham bu amaliyotga qarşi», dedi u.

«Milliy tiklaniş» demokratik partiyasi vakili Nodirjon Muxtorovning sözlariga köra, iş şaroitidagi xavfsizlikka yetarli e'tibor qaratilmayapti. «Biz xorijdagi vatandoşlarimizning mehnat muhofazasini ta'minlaymiz deb, özimizda işlayotgan vatandoşlarimiz iş şaroitidagi xavfsizlikka e'tiborli bölmayapmiz. Yirik quriliş obektlarini bayramlarda oçiş - bizning urf-odatimiz. Ammo oçilişni obekt tayyor bölsagina amalga oşiriş kerak», - deydi u.

«Adolat» partiyasi blogerlar tomonidan taklif etilayotgan metro bekatiga qurbonlar xotirasini abadiylaştirişni ifodalovçi nom beriş ğoyasini qöllab-quvvatlaşini ma'lum qildi. ÖzXDP ham voqea aybdorlarini jazolaş şartligini uqtirdi.

Jinoyat işi

Uşbu hodisa yuzasidan Toşkent şahri prokuraturasi tomonidan Özbekiston Respublikasi Jinoyat kodeksining 257-moddasi 2-qismi «a» bandi va 258-moddasi 2-qismi «a» bandi bilan jinoyat işi qözğatildi.

Jinoyat kodeksining 257-moddasiga muvofiq, texnika xavfsizligi, sanoat sanitariyasi yoki mehnatni muhofaza qilişning boşqa qoidalarini şu qoidalarga rioya etilişi uçun mas'ul bölgan şaxs tomonidan buzilsa va odam ölişiga yoki boşqa oğir oqibatlarga sabab bölsa, aybdor muayyan huquqdan mahrum qilinib, 2 yildan 5 yilgaça ozodlikni çeklaş yoxud 5 yilgaça ozodlikdan mahrum qiliş bilan jazolanadi.

258-modda esa toğ-kon, quriliş yoki portlatiş işlari xavfsizligi qoidalarini buziş odam ölişiga yoki boşqa oğir oqibatlar kelib çiqişiga sabab bölsa, muayyan huquqdan mahrum qilib, 2 yildan 5 yilgaça ozodlikni çeklaş yoxud 5 yilgaça ozodlikdan mahrum qiliş jazosini tayinlaşni nazarda tutadi.