Farg‘onada 1905 yilda ishlab chiqarilgan madaniy boyliklar ushlab qolindi

Farg‘ona viloyati bojxonachilari tomonidan “Porter” rusumli yuk avtotransporti to‘xtatilganda, uning kabinasida 1905 yilda ishlab chiqarilgan samovarlar borligi aniqlangan.Bu haqda Farg‘ona viloyati bojxona boshqarmasi axborot xizmati ma'lum qildi.

Farg‘ona chegara bojxona posti xodimlari tomonidan O‘zbekistondan chiqish yo‘nalishida harakatlangan fuqaro R.I. boshqaruvidagi “Porter” rusumli yuk avtotransport vositasi bojxona nazoratidan o‘tkazilgan.

Natijada, mazkur avtotransport vositasining kabina qismiga yashirilgan, tegishli hujjatlari bo‘lmagan va bojxona xodimining og‘zaki so‘rovida ma'lum qilinmagan 2 dona 1905 yilda ishlab chiqarilgan samovar borligi aniqlangan.