Qo‘qonda mashina yukxonasiga solingan bola bo‘yicha ma’lumot berildi
Farg‘ona viloyatida bola o‘g‘rilari aniqlangani to‘g‘risida xabarlar tarqaldi. Viloyat IIB bu xabarlar asossiz ekanini bildirdi.
Ijtimoiy tarmoqlarda yosh bola mashina yukxonasiga solingani aks etgan video tarqaldi. Mazkur video bo‘yicha o‘rganish ishlari olib borildi.
14 may kuni Qo‘qon shahar Obodyurt ko‘chasida yashovchi voyaga yetmagan bola M.M. ushbu mahallada turar joyga ega bo‘lgan qo‘shnisi M.A.ga tegishli uyning devor va oynasiga tosh otib sindirgan. Buni ko‘rgan M.A. bolani qo‘rqitib qo‘yish maqsadida o‘ziga tegishli Nexia-2 yukxonasiga solib avtomashinani harakatlantirgan.
Shu paytda bolaning onasi B.T. ko‘chaga chiqib, mashinani to‘xtatib, farzandini mashinadan tushirib olgan hamda o‘rtada o‘zaro janjal kelib chiqqan.
Mazkur holat yuzasidan fuqaro M.A.ga nisbatan Ma’muriy javobgarlik to‘g‘risidagi kodeksning 183-moddasi tartibida hujjatlar rasmiylashtirilib, tegishli sud organiga yuborish chorasi ko‘rilgan.
“Fuqarolardan vahima va sarosimaga tushmasliklarini hamda ishonchsiz, tekshirilmagan ma’lumotlarni tarqatmasliklarini so‘raymiz”, — deyiladi IIB xabarida.
Mavzuga oid
09:30 / 23.10.2024
Bolalarga nisbatan oilaviy zo‘ravonlik sodir etganlik uchun javobgarlik belgilandi
07:40 / 16.10.2024
Oktyabrda xorijda qarovsiz qolgan 11 bola O‘zbekistonga olib kelindi
07:10 / 05.10.2024
Ikki oyda xorijda ota-ona qaramog‘idan mahrum bo‘lgan 34 bola O‘zbekistonga qaytarildi
07:40 / 04.10.2024