21:01 / 22.12.2021
13588
Ўзбекистонда талабалар 28 декабрда таътилга чиқади

Ўзбекистонда талаба ва ўқувчилар қачондан қишки таътилга чиқиши маълум қилинди.

Фото: Kun.uz

Ўзбекистонда талаба ва ўқувчилар (лицей ва коллежлар ўқувчилари) учун қишки таътил 28 декабрдан бошланади. Бу ҳақда Олий ва ўрта махсус таълим вазирлиги хабар қилди.

Қайд этилишича, таътил 2022 йилнинг 10 январигача давом этади. Дарс жараёнлари 11 январдан бошланади.

Бундан аввалроқ Халқ таълими вазирлиги мактаб ўқувчилари учун қишки таътил 28 декабрдан бошланиши ҳақида хабар қилганди. Таътил 14 календарь куни, яъни 10 январгача давом этади.

Эслатиб ўтамиз, Uzbekistan Airways талабаларга 50 фоизлик чегирма эълон қилган. Ушбу чегирма 28 декабрдан 10 январгача амал қилиши кўзда тутилган.

Шунингдек, «Ўзбекистон темир йўллари» 31 декабрдан 2022 йилнинг 4 январгача олий ўқув юртларининг талабалари, мактаб ўқувчилари, коллеж ва лицей талабалари, ИИВ, МВ, ДХХ, ДС, ДБ махсус таълим муассасалари талабаларига чиптанинг тариф қисмидан 15 фоиз миқдорида чегирма беради.

Top