Samarqand viloyati Kattaqo‘rg‘on tumanida parrandachilik fabrikasida portlash sodir bo‘ldi. Favqulodda vaziyatlar vazirligi hodisa bo‘yicha rasmiy ma’lumot taqdim etdi.
Bugun, 30 mart kuni soat 10:40 larda Samarqand viloyati Kattaqo‘rg‘on tumanining «Melixo‘ja» MFYda joylashgan parranda fabrikasida, dastlabki o‘rganish natijalariga ko‘ra, xavo-gaz aralashmasining chaqnashi sodir bo‘lgan.
Hodisa oqibatida vafot etganlar yo‘q, 2 nafar fuqaro yengil tan jarohati olib, tuman tibbiyot birlashmasiga joylashtirilgan.
Voqea joyiga FVB, IIB, SSB, prokuratura hamda «Hududgazta’minoti» mas’ul xodimlari chiqishgan.
Hozirda voqea sababi va zarar miqdori aniqlanmoqda. Mazkur holat yuzasidan dastlabki tergovoldi surishtiruv ishlari olib borilmoqda.
