Andijon tumanida 710ta xonadonga yetishi mumkin bo‘lgan tabiiy gazdan noqonuniy foydalangan fuqarolarga nisbatan jinoyat ishi qo‘zg‘atildi
Andijon tumanilik fuqarolar S.Yu. va Sh.B. o‘zlarining yashash xonadonlarida tabiiy gaz tarmog‘iga o‘zboshimchalik bilan ulanib, noqonuniy ohak mahsulotlari ishlab chiqarish sexini tashkil etib, hududiy gaz ta'minoti korxonasi manfaatlariga jami 216,6 mln so‘m zarar yetkazganliklari aniqlangan.
Hisob-kitoblarga ko‘ra, noqonuniy foydalanilgan tabiiy gaz 1 oy davomida hududdagi 710ta xonadonni uzluksiz tabiiy gaz bilan ta'minlashga yetishi ma'lum bo‘lgan. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.
Mazkur holatlar yuzasidan Jinoyat kodeksining 185²-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishlari qo‘zg‘atilib, tergov harakatlari o‘tkazilmoqda.
Avvalroq Andijonda hokimlik zaxirasidagi yerni sotmoqchi bo‘lgan shaxs 10 000 dollar talab qilib, oldindan 5 000 dollarni firibgarlik yo‘li bilan olgan vaqtida ashyoviy dalillar bilan ushlangan edi.
Mavzuga oid
11:38
Viloyatlar orasida eng zich aholi Andijonda yashashi ma’lum qilindi
09:39 / 24.10.2024
Isitish mavsumida tabiiy gaz uchun ijtimoiy norma va narxlar qancha bo‘ladi?
17:04 / 22.10.2024
Qo‘shrabotda ikki qavatli uy portladi. Bir oilaning 4 a’zosi halok bo‘lgan
10:10 / 22.10.2024