Toshkentda kriminogen vaziyatni yaxshilash bo‘yicha tezkor-profilaktik tadbirlar o‘tkazilmoqda

Poytaxt hududida jinoyatlarning oldini olish, huquqbuzarliklar profilaktikasini kuchaytirish va fuqarolar xavfsizligini ta’minlash maqsadida Toshkent shahar IIBB hamda huquqni muhofaza qiluvchi idoralari tomonidan kriminogen vaziyatni yaxshilash bo‘yicha tezkor-profilaktik tadbirlar o‘tkazilmoqda. Bu haqda Toshkent shahar IIBB xabar berdi.

Shu munosabat bilan fuqarolardan xavfsizlik qoidalariga rioya etish va xavotirga berilmaslik so‘raldi. Ta’kidlanishicha, barcha harakatlar shaharda tinchlik va osoyishtalikni ta’minlash maqsadida o‘tkazilyapti.

Oldinroq Toshkentda huquqni muhofaza qiluvchi idoralar hamkorligida jinoyat olamining o‘nlab vakillariga nisbatan reydlar o‘tkazilgani, unda o‘zini «ko‘cha bollari» sifatida namoyon qilishga uringan yigitlar qo‘lga olingani xabar qilingandi.