23:10 / 12.08.2020
58861
«Яшил», «сариқ» ва «қизил» авиарейслар рўйхати янгиланди

«Яшил» рейсларда - Хитой, Жанубий Кореядан келганлар карантинга олинмайди.

Республика махсус комиссияси қарори билан, Ўзбекистонга хорижий давлатлардан кириш бўйича янги тартиб белгиланди.

Унга кўра:

  • Эпидемиологик вазият барқарор бўлган («яшил» рейслар) давлатлардан – (охирги 10 кун ушбу мамлакатларда бўлиб турган) Ўзбекистон Республикасига кириб келган шахслар карантин назоратига олинмайди.
  • Коронавирус инфекцияси билан касалланиш ҳолатлари камайган («сариқ» рейслар) давлатлардан – (охирги 10 кун ушбу мамлакатларда бўлиб турган) Ўзбекистон Республикасига кириб келган шахслар 14 кун давомида уй карантини назоратига олинади.
  • Коронавирус инфекцияси билан касалланиш ҳолатлари камаймаган («қизил» рейслар – эвакуация рейслари) давлатлардан – Ўзбекистон Республикасига кириб келган шахслар 14 кун давомида карантин назоратида сақланади.

Қарор билан Ўзбекистон Республикасига хорижий давлатлардан фуқароларни кириши бўйича тоифага ажратилган давлатлар рўйхати тасдиқланди. Унга асосан:

  • «яшил» рейслар сифатида – Хитой Халқ Республикаси, Таиланд, Малайзия, Жанубий Корея, Грузия, Венгрия, Латвия, Япония;
  • «сариқ» рейслар сифатида – Европа Иттифоқи давлатлари (Буюк Британия ва Испания бундан мустасно), Озарбойжон;
  • «қизил» рейслар сифатида бошқа барча давлатлар белгиланди.

Белгиланишича, бу рўйхат ҳар ҳафтада янгилаб борилади.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top