Amanbay Orinbayev Senat raisi o‘rinbosarligiga saylandi

Toshkent shahrida Senat o‘ttiz ikkinchi yalpi majlisi boshlandi. Yalpi majlisda senatorlar Senat raisi o‘rinbosari to‘g‘risidagi masalani ko‘rib chiqdi.

Amanbay Orinbayev

Senatorlar Qoraqalpog‘iston Respublikasi Jo‘qorg‘i Kengesi raisi Amanbay Orinbayevni Senat raisi o‘rinbosarligiga sayladi.

9 sentabr kuni xalq deputatlari mahalliy kengashlari qo‘shma majlisida Jo‘qorg‘i Kenges raisi Amanbay Orinbayev Senat a’zosi etib saylangandi.

Amanbay Orinbayev avgust oyi oxirida Qoraqalpog‘iston Jo‘qorg‘i Kengesi raisi etib tasdiqlandi.

U bungacha Ichki ishlar vazirligi tizimida turli lavozimlarda ishlagan, 2022 yil mart oyidan iyul oyigacha Qoraqalpog‘iston ichki ishlar vaziri, keyinroq Qoraqalpog‘iston Vazirlar Kengashi raisining Orolbo‘yi ekologiyasi va rivojlanishi masalalari bo‘yicha birinchi o‘rinbosari lavozimlarida ishlab kelgan.

Tayyorlagan: Отабек Матназаров

#Senat #Amanbay Orinbayev