Samarqandda taksi haydovchisi yosh bolani itlar hamlasidan qutqarib qoldi
Ayni vaqtda maktab o‘quvchisiga tashlangan itlar ushlanib, karantinga olingan. Bolaning ahvoli yaxshi ekani aytilmoqda.
11 iyul kuni tarmoqlarda taksi haydovchisi maktab yoshidagi bolani itlar hamlasidan qutqarib qolgani aks etgan video tarqaldi. Unda holat Samarqand shahrida bo‘lgani aytiladi.
Holat yuzasidan Samarqand viloyati IIB matbuot kotibi Jahongir Sagdullayev bayonot berdi. Ma’lum bo‘lishicha, holat 8 iyul kuni Samarqand shahrining Nabiyev-4 ko‘chasida sodir bo‘lgan.
Ko‘chadagi mashina ustaxonasi ichida yuradigan itlar ko‘chadan o‘tib ketayotgan bolakayga tashlangan. Shu vaqtda taksi haydovchisi holatni ko‘rib qolib, itlarni haydagan va bolakayga yordam bergan.
Hozirda bolaga tashlangan itlar ushlanib, karantinga olingan. Bolaning ahvoli yaxshi ekani aytilmoqda.
Shuningdek, qo‘shimcha o‘rganishlar davomida itlarning egasi aniqlansa, unga nisbatan ham qonuniy tartibda chora ko‘rilishi aytildi.
Mavzuga oid
08:10 / 21.11.2024
Shavkat Mirziyoyev Samarqand viloyatini rivojlantirish yuzasidan yig‘ilish o‘tkazdi
08:51 / 20.11.2024
To‘rt tumanda 614 mln so‘mlik elektr va gazdan noqonuniy foydalanilgani aniqlandi
13:49 / 14.11.2024
Samarqandda o‘quvchi avtobus urib yuborishi oqibatida halok bo‘ldi
18:44 / 12.11.2024