Prezident OAV xodimlarini tabrikladi. Jurnalistlarga tösqinlik uçun jazo kuçaytiriladi
|01:32 / 27.06.202113 5869 min
OAV faoliyatiga noqonuniy aralaşiş, senzura, bosim va tazyiqlar, materiallar va texnik vositalarni noqonuniy olib qöyiş uçun javobgarlikni kuçaytiriş lozim, deya hisoblaşini ma'lum qildi Şavkat Mirziyoyev soha xodimlariga yöllagan bayram tabrigida.
Prezident Şavkat Mirziyoyev matbuot va ommaviy axborot vositalari xodimlarini kasb bayrami bilan tabrikladi.
Qadrli döstlar!
Avvalo, siz, azizlarni, sohaning muhtaram faxriylarini Matbuot va ommaviy axborot vositalari xodimlari kuni bilan samimiy muborakbod etib, barçangizga özimning yuksak hurmatim va ezgu tilaklarimni bildirişdan mamnunman.
Sizlarning bu galgi kasb bayramingiz eng uluğ va eng aziz ayyom – Vatanimiz mustaqilligining 30 yillik sanasi arafasida bölib ötayotgani unga alohida ruh va mazmun bağişlamoqda.
Barçangizga ayonki, keyingi yillarda yangi Özbekistonni barpo etişga qaratilgan islohotlar jarayonida ommaviy axborot vositalari sohasida ham tub özgarişlar amalga oşirilmoqda.
El-yurtimiz, jamoatçiligimiz matbuot naşrlari, tele-radio kanallar, naşriyot va matbaa korxonalari, Internet saytlari, axborot xizmatlarida öz vazifasini sidqidildan ado etayotgan zahmatkaş jurnalist va blogerlar, noşir va muharrirlar, tarjimon va rassomlar, rejissyor va operatorlar, barça texnik xodimlarning maşaqqatli mehnatini yaxşi biladi va yuksak qadrlaydi.
Fursatdan foydalanib, doimo yangilik izlab, yangilikka intilib yaşaydigan, jamiyatda yuz berayotgan muhim özgarişlar, ustuvor ğoya va taşabbuslarning ma'no-mohiyatini odamlarga tezkorlik va xolislik bilan yetkazadigan, hayotning qaynoq nuqtalariga dadil kirib boradigan siz, azizlarga mamlakatimiz taraqqiyotiga qöşayotgan beqiyos hissangiz uçun çuqur minnatdorlik bildiraman.
Hurmatli döstlar!
Bugungi kunda barça darajadagi boşqaruv idoralari rahbarlarining ommaviy axborot vositalari vakillari, jurnalistlar bilan muntazam uçraşib, jamiyat hayotiga daxldor muhim masalalarni erkin muloqot asosida keng muhokama etişi yaxşi an'anaga aylanib bormoqda. Biz bunday yondaşuvni Özbekistonda olib borilayotgan oçiqlik, oşkoralik va demokratik siyosatning eng muhim yönalişlaridan biri deb bilamiz hamda milliy manfaatlarimizga javob beradigan bu yölni qat'iy davom ettiramiz.
Şu sababli ommaviy axborot vositalarining jamiyat hayotidagi örni va ta'siri, faoliyat samaradorligi va ta'sirçanligini oşiriş, ularning moddiy-texnik bazasi, kadrlar salohiyatini mustahkamlaş, soha xodimlarining mehnatini har tomonlama rağbatlantiriş biz uçun hamişa ustuvor vazifa bölib kelmoqda.
Mavzuga oid
Bu borada avvalo mavjud me'yoriy-huquqiy bazani kuçaytiriş maqsadida keyingi tört yilda 12 ta qonun hujjati qabul qilinganini, media sohasi, axborot xizmatlari tizimi tubdan yangilanganini ta'kidlaş lozim.
Buning tasdiği sifatida quyidagi raqamlarga e'tiboringizni qaratmoqçiman.
Bu yil taşkil topganining 65 yilligini nişonlaydigan milliy televideniyemiz faoliyatida ham jiddiy özgarişlar közga taşlanmoqda. Öz tarkibida tunu kun faoliyat körsatadigan 26 ta tele va 16 ta radiokanalni birlaştirgan Özbekiston milliy teleradiokompaniyasining yangi zamonaviy platformasi («Over-the-top») markaziy telekanallarimizda namoyiş etilayotgan körsatuvlarni butun mamlakatimiz böylab hamda dunyoning yuzdan ziyod davlatlariga uzatiş, ijtimoiy tarmoqlarga faol joylaştiriş imkonini bermoqda.
Ayni vaqtda nodavlat elektron ommaviy axborot vositalari, gazeta va jurnallar, naşriyot va bosmaxonalar soni köpayib borayotgani e'tiborga loyiq.
Davlat idoralarining jamoatçilik bilan aloqalarini mustahkamlaşga alohida ahamiyat qaratilmoqda. Jumladan, hokimiyat va boşqaruv organlari tomonidan mamlakatimizda amalga oşirilayotgan islohotlarning borişi, milliy dastur va strategiyalarning bajarilişi yuzasidan doimiy ravişda matbuot anjumani va brifinglar, oçiq muloqotlar taşkil etilmoqda.
Agar 2019 yilda davlat va nodavlat taşkilotlardagi axborot xizmatlarining manbalari – rasmiy veb-saytlar, ijtimoiy tarmoqlardagi kanallar 559 tani taşkil etgan bölsa, 2021 yilda bu raqam 2410 taga yetdi.
Ommaviy axborot vositalaridagi tanqidiy çiqişlarga vazirlik va idoralar, hokimliklarning axborot xizmatlari orqali tezkor munosabatlar bildiriş amaliyoti şakllanmoqda. Buning tasdiğini davlat idoralari tomonidan tanqidiy materiallarga javob qaytariş körsatkiçi 2018 yilda 12 foizni taşkil etgan bölsa, 2020 yil yakuniga köra qariyb 90 foizga yetgani misolida ham köriş mumkin.
Yaqinda qabul qilingan “Davlat organlari va taşkilotlarining faoliyati oçiqligini ta'minlaş, şuningdek, jamoatçilik nazoratini samarali amalga oşirişga doir qöşimça çora-tadbirlar töğrisida”gi farmon bu boradagi işlarni yangi bosqiçga kötarişga xizmat qiladi.
Hozirgi vaqtda elektron ommaviy axborot vositalari, xususan, Internet jurnalistikasi hayotimizga tobora çuqur kirib bormoqda. Respublikamizda faoliyat yuritayotgan 1893 ta ommaviy axborot vositasidan 638 tasi yoki 33,7 foizi Internet naşrlari – veb-saytlar sifatida röyxatdan ötgan.
Şu örinda, mamlakatimizda söz va matbuot erkinligini ta'minlaş maqsadida ommaviy axborot vositalarini röyxatdan ötkazişda barça jarayonlar inson omilisiz, elektron şaklda amalga oşirilayotgani bu yöldagi yana bir muhim qadam bölganini qayd etiş zarur.
Sohada yuksak malakali kadrlar tayyorlaş masalasi ham doimiy e'tiborimiz markazida bölib kelmoqda. Özbekiston jurnalistika va ommaviy kommunikatsiyalar universiteti faoliyat körsatmoqda, şuningdek, Toşkent davlat şarqşunoslik universiteti, Samarqand davlat çet tillari institutida ham jurnalistika yönalişi böyiça kadrlar tayyorlaş yölga qöyildi.
Aziz yurtdoşlar!
Mamlakatimizdagi barça siyosiy-ijtimoiy institutlar kabi Özbekiston jurnalistikasi ham hozirgi raqamli texnologiyalar davrida yangi şakllaniş jarayonini boşidan keçirmoqda.
Bugun avlodlar, ijodiy maktablar, an'analar, tuşunça va tasavvurlar yangilanmoqda. Internet zamoni öz talab va qoidalarini ilgari surmoqda. Ana şunday murakkab ötiş davrida milliy jurnalistikamiz ilgari kuzatilmagan turli sinov va qiyinçiliklarga ham duç kelayotganini e'tirof etiş va ularni birgalikda bartaraf qiliş haqida öylaşimiz lozim.
Aminmanki, mazkur sohada yillar davomida erişilgan eng yaxşi yutuq va an'analarni saqlab qoliş, xolislik va haqqoniylik prinsiplariga, qonun talablariga qat'iy rioya qiliş, fuqaroning şa'ni va ğururi, uning öz mustaqil fikriga ega böliş huquqini hurmat qiliş, yuksak professional mahorat sizlar uçun doimo asosiy faoliyat mezoni bölib qoladi.
Uşbu maqsadlarga erişişda Özbekiston Jurnalistlari ijodiy uyuşmasi tomonidan ilgari surilgan bir qator taşabbuslar, ya'ni milliy media makonimizga dadil kirib kelayotgan yoş jurnalistlar, blogerlar, axborot tizimlari xodimlari iştirokida “Milliy jurnalistika: an'analar davomiyligi va zamonaviylik” mavzusida ilmiy-amaliy konferensiya taşkil etiş, şuningdek, ommaviy axborot vositalarida “Özbekiston jurnalistika maktabi: ijodiy meros va an'analar”, “Jamiyat va ommaviy axborot vositalari”, “Jurnalistika odobi” kabi mavzularda davra suhbatlari va mahorat darslari, ijodiy tanlovlar uyuştirişga doir takliflar şubhasiz katta ahamiyatga ega.
Ötiş davri bilan boğliq sabablar tufayli bugungi kunda bir qator bosma naşrlarning moliyaviy ahvoli murakkab bölib qolayotgani hammamizga yaxşi ma'lum. Yaqinda özining yangi rahbarini saylagan Özbekiston Jurnalistlari ijodiy uyuşmasining Oliy Majlis Qonunçilik palatasi, Vazirlar Mahkamasi, Axborot va ommaviy kommunikatsiyalar agentligi, respublikamizdagi yetakçi gazeta va jurnallar boş muharrirlari bilan birgalikda mazkur masalani atrofliça muhokama qilib, tegişli çora-tadbirlar dasturini işlab çiqiş haqidagi takliflarini biz albatta ma'qullaymiz.
Uşbu hujjatda bosma ommaviy axborot vositalarini qöllab-quvvatlaşga oid amaliy çora-tadbirlar bilan birga, sohaga bozor iqtisodiyoti mexanizmlarini töliq joriy etiş, mazkur naşrlarning mazmuni va jozibadorligini yanada oşiriş, ularning axborot maydonida raqobatbardoş bölişi uçun mavjud imkoniyatlardan unumli foydalaniş masalalari közda tutilişi maqsadga muvofiqdir.
Ayni vaqtda sohaning huquqiy asoslarini takomillaştiriş va jurnalistlarning kasbiy faoliyatini himoya qiliş, davlat va jamiyat örtasidagi muloqotni mustahkamlaş, kuçli jamoatçilik nazoratini yölga qöyiş ham oldimizda turgan muhim vazifadir.
Xususan, Özbekiston Respublikasining Ma'muriy javobgarlik töğrisidagi kodeksiga davlat organlari va taşkilotlarining mansabdor şaxslari tomonidan ommaviy axborot vositalari ijodiy faoliyatiga tösqinlik qiliş, senzura örnatiş, ularning faoliyatiga noqonuniy aralaşiş, tahririyat xodimlariga bosim va tazyiq ötkaziş, materiallar va zarur texnik vositalarni ulardan ğayriqonuniy ravişda olib qöyiş harakatlari sodir etilgani uçun javobgarlikni nazarda tutadigan moddalarni kuçaytiriş lozim.
Ta'kidlab aytamanki, mamlakatimizda demokratik yangilaniş jarayonlarini yanada çuqurlaştiriş, ommaviy axborot vositalari faoliyati samaradorligini oşiriş yölida davlatimiz va jamiyatimiz tomonidan sohani qöllab-quvvatlaş, jurnalistlarning maşaqqatli mehnatini har tomonlama rağbatlantirişga bundan buyon ham alohida e'tibor qaratiladi.
Muhtaram ommaviy axborot vositalari xodimlari!
Sizlarni qutluğ bayramingiz bilan yana bir bor tabriklab, barçangizga sihat-salomatlik, baxt-saodat, xonadonlaringizga tinçlik-xotirjamlik, fayzu baraka tilayman.
Mas'uliyatli va şarafli faoliyatingizda barçangizga yangi yutuq va omadlar yor bölsin!
Şavkat Mirziyoyev,
Özbekiston Respublikasi Prezidenti
