Yirtqich maktab hududiga kirib, o‘quvchilar hayotiga xavf tug‘dirgan. Shuningdek, ayiqni zararsizlantirish jarayonida u IIB xodimlaridan biriga tashlanib, jarohat yetkazgan.
Surxondaryo viloyatining Sariosiyo tumanida qishloqqa ayiq kelib qoldi. Bu haqda Ekologiya vazirligi rasmiy ma’lumot berdi.
Ma’lum qilinishicha, 15 may kuni Sariosiyo tumanidagi “Jannatmakon” MFY hududiga kutilmaganda ayiq kelib qolgan. Yirtqich hayvon aholi turar joylariga kirib, insonlar hayotiga xavf tug‘dirgan. Ayiqni zararsizlantirish jarayonida u IIB xodimlaridan biriga tashlangan va jarohat yetkazgan.
Ayiq 74-sonli maktab hududiga ham kirgan. Holat kutilmaganda yuz bergan va ayiq tajovuzkor harakat qilgan. Yirtqich maktab o‘quvchilari hayotiga xavf tug‘dirganligi sababli tezkor chora ko‘rish talab qilingan va u otib o‘ldirilgan.
Jarohat olgan IIB xodimi tibbiy tekshiruvdan o‘tkazilgan.
Avvalroq Jizzaxdagi Chakan qishlog‘iga tog‘dan ayiq tushib kelgani xabar qilingandi.
