2,5 млндан 1 млрд сўмгача – 100 дан ортиқ олимпиадачи ўқувчилар пул мукофоти билан тақдирланди

Ўтган ўқув йили давомида халқаро фан олимпиадаларида фаол иштирок этиб, ғолиб бўлган 107 нафар ғолиб олимпиадачи ва уларнинг 83 нафар устози пул мукофотлари билан тақдирланди. Улар Ўзбекистонга жами 210 та медални ҳадя қилган. Маълумотларга кўра, ғолибларни муносиб тақдирлаш учун давлат бюджетидан 12,4 млрд сўм пул ажратилган.

{Yii::t(}

Ўтказиб юбориш 6s

Ўтказиб юбориш

2025 йилда ўзбекистонлик ўқувчилар 29 та халқаро олимпиададан жами 210 та медал: 40 та олтин, 78 та кумуш, 92 та бронза медал қўлга киритди. Улар қаторида дунёнинг энг нуфузли фан олимпиадалари тарихида янги натижа қайд этилгани эътиборга арзирли.

15 декабр куни Тошкентда 107 нафар ғолиб олимпиадачи ва уларнинг 87 нафар устози пул мукофотлари билан тақдирланди. Мукофотланганлар орасида 1 млрд сўмдан кўпроғига лойиқ кўрилганлари ҳам бор.

Тақдирлаш маросимида энг нуфузли халқаро олимпиадалардаги медаллар учун:

олтин медалга – 1 млрд 30 млн сўм, ўқитувчисига – 185,4 млн сўм;

кумуш медалга – 618 млн сўм, ўқитувчисига – 103 млн сўм;

бронза медалга – 412 млн сўм, ўқитувчисига – 61,8 млн сўм

Халқаро олимпиадалардаги медаллар учун:

олтин медалга – 61,8 млн сўм, ўқитувчисига – 20,6 млн сўм;

кумуш медалга – 41,2 млн сўм, ўқитувчисига – 14,42 млн сўм;

бронза медалга – 20,6 млн сўм, ўқитувчисига – 12,36 млн сўм

Минтақавий халқаро олимпиадалардаги медаллар учун:

олтин медалга – 4 млн 944 минг сўм, ўқитувчисига – 20,6 млн сўм;

кумуш медалга – 3 млн 296 минг сўм, ўқитувчисига – 14,42 млн сўм;

бронза медалга – 2 млн 472 минг сўм, ўқитувчисига – 12,36 млн сўм берилди.

Маълумот учун, жорий йилда халқаро фан олимпидалари ғолиблари ва уларнинг устозларини муносиб тақдирлаш учун давлат бюджетидан жами 12 млрд 424 млн сўмга яқин маблағ ажратилган.

Эслатиб ўтамиз, ўқувчиси минтақавий халқаро олимпиада ҳамда асосий олимпиаданинг республика босқичи ғолиби бўлса, ўқитувчи маошига 100 фоиз ҳар ойлик устама берилиши керак.

Фан олимпиадаларидаги натижалар ҳақида

Бу йил БААдаги халқаро кимё олимпиадасида 2 та олтин, Боливиядаги халқаро информатика олимпиадасида биринчи кумуш, Австралиядаги халқаро математика олимпиадасида 4 та кумуш, 1 та бронза, Париж шаҳридаги халқаро физика олимпиадасида эса 2 та бронза медаллари олинган.

Қолаверса, қизлар илк марта Европа қизлар математика олимпиадаларида қатнашиб, 3 та: шундан 1 таси кумуш, 2 таси бронза, яна бошқа халқаро олимпиадалардан ҳам 13 та медал олинган.

Хусусан:

Иорданияда 62 та давлат иштирокида ўтказилган Халқаро инглиз тили олимпиадасида 7 та кумуш (3 та кубок);

Таиландда 50 та давлат иштирокида ўтказилган Халқаро география олимпиадасида 2 та бронза;

Боку шаҳрида 42 та давлат иштирокида ўтказилган Халқаро иқтисод олимпиадасида 1 та кумуш, 1 та бронза, шунингдек, 14 та минтақавий олимпиадада умумий ҳисобда 138 та (27 та олтин, 41 та кумуш, 70 та бронза) медал қўлга киритилган.