Қўшимча функционаллар
-
Тунги кўриниш
Петербургда «миллат аниқловчи» камералар ишлай бошлади
Таъкидланишича, полиция бундай тизим орқали мигрантлар тўпланган жойларни кузатиши ва «резина» квартираларни аниқлаши мумкин.
Фото: Александр Глуз
Россиянинг Санкт-Петербург шаҳрида одамларнинг «миллатини аниқловчи» камералар ишлай бошлади. Бу ҳақда Ахборотлаштириш ва алоқа қўмитаси раиси ўринбосари Игор Никонов маълум қилди.
«Бизда таҳлилнинг бир тури бор - ирқ ва миллатнинг бир нечта турларини аниқлаш. Олти хил. Бу шаҳарнинг маълум ҳудудларида маълум гуруҳларнинг тўпланишини аниқлаш имконини беради. Ушбу маълумотлар асосида ҳуқуқни муҳофаза қилувчи органлар тегишли қарорлар қабул қилади», деди у.
Никонов сўзларига кўра, полиция бундай тизим орқали мигрантлар тўпланган жойларни кузатиши ва «резина» квартираларни аниқлаши мумкин. Айни пайтда 50 мингга яқин камера этник мансубликни аниқлаш функцияси билан жиҳозланган, бироқ ҳозирча аниқ натижалар йўқ.
«Жиноятларни очиш бўйича статистика фақат йил охирида аниқланади», деб аниқлик киритди Никонов.
Унинг сўзларига кўра, тизим ташқи кўринишнинг олтита шартли тоифасини таниб олишга қодир: Кавказ, Шарқий Осиё ва Марказий Осиё минтақалари аҳолиси, шунингдек, европаликлар, осиёликлар ва негроид ирқи вакиллари.
Санкт-Петербург расмийларининг бундай камераларни ўрнатиш режалари ҳақида 2025 йил февраль ойида хабар берилган эди. Шунда шаҳар миллатлараро муносабатлар қўмитаси раҳбари Олег Капитанов саккиз мингта кўча камерасида «шахснинг этник мансублигини аниқлаш» функцияси пайдо бўлишини айтган эди.
Мавзуга оид
20:56 / 04.12.2025
Жанубий Корея ноқонуний мигрантларнинг ихтиёрий равишда чиқиб кетиши учун 90 кунлик дастур эълон қилди
18:37 / 01.12.2025
Россияда 1 декабрдан чегарани кесиб ўтган хорижликлардан биометрия йиғиш бошланди
10:27 / 29.11.2025
АҚШдаги ўзбекистонлик ҳайдовчилар кучайтирилган миграция рейдлари ҳақида огоҳлантирилди
23:31 / 28.11.2025