Марказий банк раисининг янги ўринбосари тайинланди 

Ўзбекистон президенти Ислом Каримов Марказий Банкнинг янги раис ўринбосарини тайинлаш тўғрисида қарор қабул қилди. 

Марказий банкнинг матбуот хизмати маълумотига кўра, Шохруҳ Шоаҳмедов Ўзбекистон Республикаси Марказий банкининг раис ўринбосари лавозимига тайинланган. 

Kun.uz сайтига бу ҳақдаги яна бир далили келиб тушган: 

Раис ўринбосари лавозимига тайинлангунга қадар у Марказий банкнинг Тошкент шаҳар Бош бошқармасида раҳбарлик қилган. 

Шохруҳ Шоаҳмедов банк тизимидаги меҳнат фаолиятини 2004 йилда Ташқи иқтисодий фаолият Миллий банкининг оддий ходими сифатида бошлаган. Шунингдек, "Ипотека-банк" АТБ бошқарувининг ўринбосари лавозимини эгаллаган.