Фото: RIA
Туркия президенти Ражаб Тойиб Эрдўған агар мамлакатдаги давлат тўнтарувига уриниш вақтида Мармарисда 10 дақиқа кўпроқ ушланиб қолганида уни ўлдиришлари мумкинлиги ҳақида айтди. Бу ҳақда CNN телеканалига иқтибос келтирган ҳолда РИА “Новости” ахборот агентлиги хабар бермоқда.
"Мармарисда менга қарши операция ўтказилган. Менинг икки қўриқчим ўлдирилган. Агар мен у ерда яна 10-15 дақиқа кўпроқ ушланиб қолганимда, мени ўлдиришлари ёки асирга олишлари мумкин эди", деб айтди Эрдўған.
У нашрга Мармарисда оиласи билан дам олишда бўлганини айтган. Кечки соат 22.00ларда унга Анқара ва Истанбулда ҳарбийлар иштирокида тартибсизликлар бўлаётганини маълум қилишган. Шундан кейин Эрдўған ўзи тўхтаган меҳмонхонани тарк этишга қарор қилган.
