Йўллардаги тирбандликни четлаб ўтишнинг самарали усули таклиф қилинди

Америкалик экспертлар йўллардаги тирбандликни четлаб ўтишнинг самарали усулини таклиф қилишди. Бунинг учун ҳар бир машина шундай ҳаракатланиши керакки, ундан олдиндаги ва орқасидаги автомобиллар орасидаги масофа тенг бўлиши лозим. Мутахассислар ғоясини намойиш қилувчи видео YouTube’нинг CGP Grey таълим каналида тақдим қилинган, Popular Mechanics нашри бу ҳақида қисқа маълумот берган.

Ушбу ғояни амалда қўллаш бироз қийин, зеро бунинг учун йўлда ҳаракатланаётган ҳар бир ҳайдовчи ғоядан бохабар қилиниши керак. У инсон омили билан боғлиқ камчиликлардан холи ҳайдовчисиз транспорт воситалари учун айни муддао бўлиши мумкин.