Қувайтлик фуқаро ижтимоий тармоқ орқали АҚШ судига чақирилган илк киши бўлди

Фото: RIA

Қувайт диний арбоби Ҳажжож бин Фахд Ал-Ажмий, Твиттер орқали АҚШ судига чақирилган дунёдаги биринчи киши бўлди, деб хабар қилмоқда USNews.

Ал-Ажмий Яқин Шарқдаги террорчиларни молиялаштиришда гумон қилинмоқда.

Дастлабки маълумотларга кўра, Сурия ва Ироқнинг террорчилар ҳаракатларидан азият чеккан фуқаролари диний арбобга нисбатан судга ариза билан мурожаат қилишган.

Таъкидланишича, Америка судъяси Ал-Ажмийни оддий усулда маҳкама жараёнига чақиришга бир неча маротаба самарасиз уринганидан сўнг, унинг твиттердан фаол фойдаланишини аниқлаган ва чақирув мактуби ижтимоий тармоқ орқали юборилган.