Ғарбий Австралия штати полицияси тақдим қилган видеода қарғанинг полицияга метамфетамин пакетини топишга ёрдам берганини кўриш мумкин. Бу ҳақида Daily Mail нашри хабар берди.
Видеодаги изоҳда ёзилишича, полиция ходимлари ёнилғи қуйиш шахобчасида тўхтаб, бу ерда гиёҳванд модда солинган пакетни топишга муваффақ бўлишган. Улар видеокузатув орқали метамфетаминни ким тушириб қолдирган бўлиши мумкинлигини кўрмоқчи бўлишган.
Маълум бўлишича, ёнилғи шахобчаси атрофида егулик излаб юрган қарға метамфетамин солинган пакетни топиб олади. Воқеа бўйича тергов ишлари давом этмоқда.
