Денис Истомин "Budapest Challenger – 2016" халқаро турнирининг чорак финал йўлланмасини қўлга киритди

Ўзбекистоннинг биринчи рақамли теннисчиси Денис Истомин Венгриянинг Будапешт шаҳрида Профессионал теннисчилар уюшмаси (ATP) томонидан ўтказилаётган "Budapest Challenger – 2016" халқаро турнирининг чорак финал йўлланмасини қўлга киритди. Бу ҳақда ЎзА хабар бермоқда.

Денис яккалик баҳсларининг биринчи даврасида германиялик Даниель Брандсни 6:2, 6:3, иккинчи даврада словакиялик Норберт Гомбосни 6:3, 6:4 ҳисобида мағлубиятга учратди. У чорак финалда бельгиялик Стив Даркис билан рақобатлашади.

Хитойда Халқаро теннис федерацияси (ITF) томонидан хотин-қизлар ўртасида ўтаётган турнирнинг жуфтлик баҳсларида истеъдодли теннисчимиз Сабина Шарипова АҚШлик Жаклик Сако билан бирга муваффақиятли иштирок этмоқда. Сабина ва Жаклин мусобақанинг илк баҳсида таиландлик Нича Лертпитаксинчай ва Пеангтарн Плипучни 7:5, 6:2, чорак финалда мезбон теннисчилар Зиюе Сун ва Жанлан Веини 7:5, 6:2 ҳисобида енгди.

С.Шарипова ҳамда Ж.Сако турнирнинг ярим финалида Хитой Тайпейи вакиллари Чин-Веи Чан ва Я Хсун Лига қарши кортга чиқади.