Хитой илк маротаба Chengdu J-20 қирувчи самолётини намойиш қилди

Хитой бешинчи авлод қирувчи самолёти Chengdu J-20’ни оммага намойиш қилди. Ушбу самолёт устида ўтган ўн йиллик охирларидан бошлаб ишлаб чиқариш ишлари бошланган эди, деб хабар қилмоқда Reuters агентлиги.

J-20’ни намойиши анъанавий China Airshow кўргазмасида бўлиб ўтган. Бу ерда авиация ишлаб чиқарувчилари салоҳиятли харидорлар билан шартномалар имзолаш имконига эга бўлишади. 

Таъкидланишича, Пекин маъмурияти уларнинг «кўринмас» қирувчиси ҳарбий технологиялар соҳасида АҚШдан ортда қолишни қисқартиради. Айрим таҳлилчиларнинг сўзларига кўра, J-20 ташқи кўринишидан Американинг F-22 Raptor самолётларини ёдга солади.

1 ноябрь куни Хитойнинг Чжухай шаҳрида Халқаро авиация-космик кўргазмаси Airshow China-2016 очилгани, у 6 ноябргача давом этиши ҳақида аввал хабар қилган эдик.