Деҳли ҳавосидаги тутун 1700дан ортиқ мактаб ёпилишига сабаб бўлди

Ҳиндистон пойтахтидаги 1700дан ортиқ муниципал мактаблар шанба куни фаолият кўрсатмади, дея хабар қилмоқда маҳаллий ОАВ. 

Шаҳар ҳавосидаги тутуннинг меъёрдан ўта ортиқлиги сабаб қабул қилинган қарорга кўра ёпилган 1747та мактабда 900 минг ўқувчи таълим олиши айтилмоқда. Умуман, шу пайтгача мактаблар ноқулай об-ҳаво шароитига қарамай, таълим жараёнини давом эттириш борасида мустақил қарор қабул қилиб келаётган эди. 

Мактаблар душанба куни дарсларни бошлайди. Бироқ, ҳар бир таълим муассасаси вазиятдан келиб чиққан ҳолда бошқача қарор чиқариши мумкин. Айрим мактабларда спорт машғулотлари ва очиқ ҳавода ҳар қандай маросим ўтказиш тақиқланган. 

Сўнгги кунларда Деҳли ҳавоси “ўта хавфли”, деб баҳоланмоқда. Бунга, 29-30 октябрдаги ҳиндулар байрами Дивали муносабати билан петардалар портлатилгани, фейерверк ва портлагичлар отилгани сабаб бўлган.