Украина президенти Петро Порошенконинг ҳисоблашича, Одесса вилояти маъмурияти раҳбари Михаил Саакашвили истеъфога чиқиш орқали мамлакатни қўллаб-қувватлашини кўрсатди. Бу ҳақда «Интерфакс» хабар берган.
«Биз демократик давлатмиз. У эса мухолифатчи сифатида сиёсий кампания бошлади...», — деган у.
Порошенко қайд этиб ўтганки, Украинага бир қанча грузин арбоблар ислоҳотлар амалга оширилиши учун таклиф этилган. У таклиф этилганлардан бир қанчаси ҳукуматда муваффақият билан иш олиб бораётганини таъкидлаган.
Бундан олдинроқ Михаил Саакашвили ўз лавозимидан истеъфога кетишига изоҳ бера туриб, Порошенкони маҳаллий кланларга ҳомийлик қилишда айблаганди.
