Анқарадаги кўчалардан бири марҳум элчи Карлов номи билан аталади

Фото: ТАСС

Анқара Россия элчиси Андрей Карловнинг ўлими сабабларини аниқлаш учун бор имкониятларни ишга солади, айбдорлар тегишли равишда жазога тортилади. Бу ҳақда Туркия Ташқи ишлар вазирлиги раҳбари Мевлуд Чавушўғли маълум қилди, деб хабар беради ТАСС.

Бундан ташқари, унинг сўзларига кўра, Анқарадаги Россия элчихонаси жойлашган кўча Карлов номи билан аталади.

Унинг таъкидлашича, Россия ва Туркия террорчиларга ўз мақсадига эришишларига йўл қўймаслиги лозим. Туркия Россия билан Сурия бўйича музокараларни давом эттириши ҳам айтилган.