![](http://storage.kun.uz/source/1/m9n5P1curUbaQB7c1DR-o8IVpnFE6CEM.jpg)
Фото: interfax
Ўзбекистон давлат статистика қўмитаси барча ўзбекистонликларга давлат органларидаги коррупция билан тўқнаш келганликлари юзасидан ўз тажрибалари билан ўртоқлашишни таклиф қилди.
Барча истовчилар 20-30 декабрь кунлари 7 саволдан иборат сўровда иштирок этиши ва давлат органлари ҳамда алоҳида амалдорлар билан мулоқот давомида вужудга келган муаммолар ҳақида гапириб бериши мумкин.
Бундан кўзланган мақсад – давлат статистикаси органларидаги коррупция даражасини тушуниш ва у билан кураш усулини топишдир.
Давлат статистика қўмитаси саволларга максимал даражада рост ва самимий жавоб қайтаришни сўраган. Шу билан бир қаторда, қатнашувчининг шахсий маълумотлари ошкор этилмайди.