Ироқ пойтахти Бағдод шаҳрида кун давомида иккинчи марта портлаш содир этилди ва камида 7 киши ҳалок бўлди.
Маҳаллий нашрларда ёзилишича, ўнлаб кишилар жароҳатланган.
Портлаш шаҳарнинг шарқидаги туманлардан бирида, аҳоли гавжум ҳудудда содир этилган.
Бугун куннинг биринчи ярмида Бағдодда автомобилга ўрнатилган портловчи қурилма ҳаракатга келтирилган, натижада 13 киши ҳалок бўлиб, 50дан ортиқ киши жароҳатланганди.
Теракт учун жавобгарликни ИШИД ўз зиммасига олганди.
