Видео: Америкалик чанғичи 45 метр баландликдан пастга қулади

Чанғи учиш жону дили бўлган Девин Страттон (Devin Stratton) баландлиги 45 метр бўлган қоядан қулаб, тирик қолди. Бу ҳақда The Washington Post газетаси ёзмоқда.

Воқеа Юта штати тоғларида юз берди. Страттон тоғ чанғисида қияликдан пастга тушишни бошлайди ва шунда бошқарувни йўқотади. У пастга тушиш олдидан шлемига экшн-камера ўрнатиб олган эди. Шу сабаб воқеа тафсилотлари тасвирга тушиб қолди.
“Омадим келди. Шунча баландликдан қулаб, омон қолдим ва ҳатто жароҳатланмадим”, — деб тан олди Страттон. У ҳақиқатда ҳеч қандай жароҳат олмади.