ZTE компанияси бешинчи авлод тармоғида ишлаши мумкин бўлган дунёдаги илк смартфонни тақдим этишни режалаштирмоқда. Бу MWC 2017 кўргазмасида юз бериши катта эҳтимолга яқин.
ZTE’нинг Gigabit Phone смартфони интернетга сониясига 1 Гбит тезликда уланиши мумкин. Ишлаб чиқарувчининг маълум қилишича, бу қурилмага 360-даражали видеони виртуал реалликда ҳамда роликларни ультраюқори кенгликда томоша қилиш имконини беради. Телефон АҚШ ва Австралия бозорларига мўлжалланган бўлиб, у ерда бешинчи авлод тармоқлари йўлга қўйилади.
Афтидан, смартфон Qualcomm’дан янги - Snapdragon 835 чипида ишлайди. Унинг хусусиятларига кўра, қурилма алоқа модули ҳозирданоқ сониясига 1 Гбит тезликда интернетда ишлаши мумкин.
ZTE’нинг Gigabit Phone смартфони ҳақидаги барча маълумотлар Барселонадаги MWC кўргазмасида тақдим этилади. У 27 февраль куни бошланади.
