Кобулдаги теракт қурбонлари сони 49 нафар бўлди

Фото: Reuters

Афғонистон пойтахти Кобул шаҳрида содир этилган теракт оқибатида қурбон бўлганлар сони 49 нафар, жароҳатланганлар 76 киши. Бу ҳақда Пажвак агентлиги хабар берган.

Бундан олдинги хабарларда ушбу теракт 30дан ортиқ кишини ҳаётдан олиб кетгани ва камида 70 киши жароҳатлангани айтилганди.

8 март куни ИШИДнинг 4 нафар жангариси Кобулда портлаш ва отишма уюштирди. Жангарилардан бири ҳарбий госпитал дарвозаси олдида ўзини портлатган, яна 3 нафари ичкарига бостириб кириб, беморларни ва ходимларни ўққа тута бошлаган.

Тез орада ҳудудга етиб келган махсус кучлар жангариларнинг барчасини ўлдирган.