АҚШда номаълум шахс кичик ёшли боладан 100 долларни ўғирлаб кетди

АҚШда полиция боладан 100 доллар пулни ўғирлаб кетган эркакни қидирмоқда. Ҳодиса Оклаҳома штатида 4 март куни рўй берган. Бу ҳақдаги маълумот Оклаҳома полиция департаментининг "Фейсбук"даги расмий гуруҳида эълон қилинди.

Тарқалган видеоёзувлардан кўриш мумкинки, аёл киши супермаркет кассасида пул тўлаётган пайтда, ўғли 100 доллар купюрани ўйнаётган бўлган. Кейинчалик видеода сочи йўқ эркак пайдо бўлган ва болакайга тезлик билан яқинлашиб, ундан пулни тортиб олди ва кетиб қолди. Тахминларга кўра, жиноятчининг икки шериги ҳам бўлган.

Айни дамда полициячилар ўғри ва унинг шерикларини қидириш билан банд.