Ўзбекистонда 20 март дам олиш куни деб эълон қилинди

Ўзбекистон президенти Шавкат Мирзиёев 16 март куни имзолаган қарорга кўра, 20 март, душанба куни дам олиш куни, 18 март, шанба куни эса иш куни бўлади.

«Умумхалқ Наврўз байрамининг юртимиз маънавий ҳаётидаги ўрни ва аҳамиятини эътиборга олиб ҳамда аҳолининг дам олиши учун қулай шароитлар яратиш мақсадида: 2017 йилнинг 18 мартидаги дам олиш куни 2017 йилнинг 20 мартидаги иш кунига кўчирилади ва 18 март иш куни; 20 март эса дам олиш куни деб эълон қилинади», — дейилган ҳужжатда.