Қатарнинг Сомалидаги элчихонаси олдида портлаш юз берди

Фото: AFP

Қатарнинг Сомали пойтахти Могадишодаги элчихонаси олдида портлаш юз берди. Бунинг оқибатида 4 киши яраланди, деб хабар бермоқда "Синьхуа" ахборот агентлиги.

Портлаш 5 декабрь кечки вақт юз берган.

Ҳозирча ҳудудда ҳаракат қилувчи бирорта гуруҳ ушбу портлаш учун жавобгарликни ўз зиммасига олмади.

Аввалроқ Могадишода портловчи моддалар билан тўлдирилган машина кафега бориб урилиши оқибатида 6 киши ҳалок бўлганди.

Сомалида анчадан бери "Аш-Шабоб" террорчилик гуруҳи ҳаракат қилиб келади. Гуруҳ мамлакатнинг марказий ҳукуматига қарши қуролланган кураш олиб боради ва БМТнинг гуманитар фаолиятига тўсқинлик қилади.