Афғонистонда энг катта ноядровий бомба ИШИДнинг 30 дан ортиқ жангарисини йўқ қилди

Афғонистон ҳукумати АҚШ томонидан ўта кучли GBU-43/B Massive Ordnance Air Blast фугас бомба ташланиши туфайли ИШИДнинг камида 36 жангариси йўқ қилинганини хабар берди. Бу ҳақда Reuters маълум қилмоқда.

Аввалроқ CNN телеканали ўз манбаларига асосан АҚШ Афғонистонга MC-130 самолётидан “барча бомбаларнинг онаси”ни ташлагани ҳақида хабар берганди. У ИШИД жангариларининг туннелларини йўқ қилишни мақсад қилган.

Кейинчалик Пентагон вакиллари Афғонистонда ўта кучли бомба қўлланганини тасдиқлади. Америка махсус хизматлари собиқ ходими Эдвард Сноуден эса АҚШ GBU-43/B фугас бомбаси ташланган туннеллар яратилишини ўзи молиялаштиргани ҳақида маълум қилди.