Россиянинг Қора денгизда чўккан кемасида бўлган ўқ-дори қутилари Туркия соҳилларига чиқиб қолди

Фото: Anadolu

Туркиянинг Сакарё вилояти соҳилларига Россия ҳарбий-денгиз кучларининг 27 апрелда Қора денгизда чўкиб кетган "Лиман" разведкачи кемасидаги ўқ дорилар солинган қутилар тўлқин билан чиқариб ташланди.

Қутини Қорасув ҳудудида балиқчилар аниқлашган ва бу ҳақда маҳаллий маъмуриятга хабар беришган.

Бундан бир кун аввал Кайнаржа ҳудудида "Лиман"га тегишли бўлган иккита ўқ-дорили қути аниқланганди.

Ўртача ўлчамдаги "Лиман" кемаси Қора денгизда Того байроғи остида келаётган юк кемаси билан тўқнашиб кетганди.

Бунинг оқибатида кема шикастланиб, Туркия соҳилбўйи қўриқлаш хизмати жамоаси кема экипажини қутқариб олгандан 3 соат ўтиб чўкиб кетганди. Тўқнашув Туркия соҳилларидан 18 денгиз мили узоқлигидаги Килёс бурни яқинида юз берган.