Ироқнинг Хит шаҳридаги портлашда 13 киши ҳалок бўлди

Фото: Twitter.com/@ahmusawi

Ироқнинг ғарбидаги Хит шаҳрида содир этилган портлашда 13 киши ҳалок бўлди, деб хабар бермоқда "Ас-Сумария" телеканалига иқтибос келтирган ҳолда ТАСС ахборот агентлиги. Яна 22 киши жароҳат олган.

Гувоҳларнинг айтишича, портлаш шаҳар марказидаги мактаблардан бирининг ёнида содир этилган.

Портловчи моддани террорчи-худкуш ҳаракатга келтирган. Ҳозирча бирорта террорчилик ташкилоти ушбу теракт учун жавобгарликни ўз зиммасига олмади.