Сербиянинг янги президенти қасамёд вақтида НАТОга "йўқ" деб айтди

Сербиянинг янги президенти Александр Вучич инаугурацияси вақтида мамлакатнинг НАТОга кирмаслигини айтди. Вучичнинг айтишича, бу ҳолат яқин 5 йилда юз бермайди. Бу ҳақда Pink телеканали хабар бермоқда.  

Президент серб ёзувининг энг қадимий ёдгорлиги – 12-асрга тегишли Евангелия китобига қўлини қўйиб қасамёд келтирди. Тантанали маросим Сербия парламентида бўлиб ўтди.

Президентдан қасамёдни Сербия конституцион суди раиси Весна Илич-Прелич қабул қилди. Сербиянинг собиқ бош вазири Томислав Николичнинг ўрнини эгаллади. Николич мамлакатнинг янги президентига президент стандарти ва давлат муҳрини топширди.  

Вучич мамлакатда ўтган президентлик сайловларида 55 фоизлик овоз билан ғолиб бўлганди. У бош вазир лавозимида Россия билан муносабатларни яхшилаш тарафдори сифатида танилган.