Баҳрайн полицияси ижтимоий тармоқларда Қатарга рўйхушлик билдирган ҳамда Доҳа билан алоқаларни узган Форс кўрфази давлатлари сиёсатини танқид қилишда гумонланган илк шахсни ҳибсга олди. Бу ҳақда мамлакат прокурорига иқтибос келтирган ҳолда Баҳрайн ахборот агентлиги хабар бермоқда.
Прокурорнинг айтишича, Баҳрайн прокуратураси ички ишлар вазирлигининг кибержиноятлар бўлимидан интернетда Баҳрайн ва бошқа араб давлатларининг Қатарга нисбатан қарори ҳақида кескин фикр билдирган одам ҳақида хабар олган.
Прокурорнинг таъкидлашича, ҳибсга олинган шахснинг ушбу мақолалари Баҳрайн қироллигининг мавқеи ва обрўсига путур етказган.
Полиция ушбу ҳолат юзасидан тергов бошлади, гумонланувчи ҳибсга олинди.
