Бангладешда 2 кун ичида 20 дан ошиқ киши яшин уриши туфайли ҳалок бўлди

Фото: AP

Бангладешда сўнгги икки кун ичида камида 22 киши яшин уриши натижасида ҳалок бўлди, деб хабар бермоқда Франс Пресс агентлиги маҳаллий ҳукуматга асосан.

Табиий офатлар оқибатларини бошқариш бўйича департамент раҳбари Ризо Аҳмаднинг сўзларига кўра, якшанба ва душанба куни мамлакатга довуллар ёпирилган. Унинг айтишича, момақалдироқ сабаб 22 киши ҳалок бўлди.

Ўтган ҳафтада Бангладеш жануби-шарқида кучли ёмғирлар ва кўчкилар туфайли 158 киши ҳалок бўлганди. Аввалги душанба куни бошланган кучли жала кўпроқ Бандарбон ва Рангамати округларига зарар етказди.