«Kun.uz» янгиликлар веб сайтида қизиқтирган саволларга юридик хизмат ходимларидан жавоб олиш имкони яратилди

Адлия вазирлиги томонидан «Kun.uz» янгиликлар веб сайти билан ҳамкорликда ушбу сайтда «Юридик хизмат минбари» рукни ташкил этилди.

Мазкур рукн орқали фуқаролар ўзларини қизиқтирган саволларига тез, аниқ ва қонун ҳужжатлари асосида қисқа жавоб олиш имконига эга бўлади.

Саволларни «Kun.uz» янгиликлар веб сайтидаги «Юридик хизмат минбари» саҳифаси орқали ёки yurxizmat@minjust.gov.uz электрон манзилига тўғридан-тўғри юбориш мумкин.

Сизни қизиқтирган саволларингизга тегишли давлат органлари ва ташкилотларнинг юридик хизмат ходимлари жавоб беради.

Саволлар аниқ, тушунарли тилда баён этилиши, қонун ҳужжатлари асосида қисқа жавоб бериш имконига эга бўлиши керак.

Ариза, шикоят ёки таклифлар сифатида кўриб чиқиб жавоб беришни талаб этадиган ҳамда қонун ҳужжатига шарҳ беришни сўраб берилган саволлар кўриб чиқилмайди.