Фото: Reuters
Иордан дарёсининг ғарбий қирғоғида пичоқ билан қуролланган фаластинликнинг ҳужуми натижасида уч нафар исроиллик ҳалок бўлди. Бу ҳақда Reuters хабар бермоқда.
Исроил мудофаа армиясининг ўз твиттерида хабар беришича, ҳужум Халамишдаги Нева-Цуй аҳоли пункти ҳудудида рўй берган.
Ҳарбийларнинг маълумотига кўра, ҳаммаси бўлиб тўрт киши жабрланган: уч нафари ҳалок бўлди, бир киши жароҳат олди.
Ҳужум қилган шахс ўққа тутилган. Унинг яралангани ёки ҳалок бўлгани номаълумлигича қолмоқда.
Israel Radio эфирида хабар қилинишича, ҳужум қилган шахс 19 ёшли фаластинлик бўлиб, у шу ҳудудда истиқомат қилган.
Аввалроқ Туркия ва Исроил президентлари Ал-Қудсдаги кескин вазиятни муҳокама қилишгани хабар берилганди.
