Мирзиёев 2017 йилнинг 1-ярим йиллигида 5 та хорижий давлатга ташриф билан борди

Ўзбекистон Республикаси Президенти 2017 йилнинг биринчи ярим йиллигида 5 та мамлакатга давлат ва амалий ташриф билан борди. Бу ҳақда Ташқи ишлар вазирлиги матбуот хизмати хабар берди.

Хусусан, Шавкат Мирзиёев 6-7 март ва 19-20 май кунлари Туркманистонга борди. 22-23 март, 29 апрель ҳамда 8-9 июнь кунлари эса Қозоғистонда бўлди. Президент 4 ва 5 апрель куни Россияга борган бўлса, 12-15 май кунлари Хитойда бўлди. Жорий йилнинг 21 май куни эса Саудия Арабистонига ташриф амалга оширилди.

Бундан ташқари, Ўзбекистон Республикаси Президенти Шавкат Мирзиёев 14-15 май кунлари Пекинда “Бир камар, бир йўл” халқаро форумида иштирок этди.

Олий ва юқори даражадаги делегациялар ташрифи ҳақида маълумот (2017 йил 1-ярим йиллигида)