«Lex.uz» «Kun.uz» сайтидаги лойиҳани қўллаб-қувватлади

Ўзбекистон Республикаси Қонун ҳужжатлари маълумотлари миллий базасида Адлия вазирлиги ва «Kun.uz» сайти ҳамкорлигида ишга туширилган «Юридик хизмат минбари» лойиҳаси қўллаб-қувватланди.

Айни вақтда «Lex.uz»нинг бош саҳифасида жойлаштирилган баннер «Kun.uz»даги рукнга йўналтиради.

Эслатиб ўтамиз, ўтган ойда «Kun.uz» сайтида фуқароларни қизиқтирган саволларга юридик хизмат ходимларидан жавоб олиш имкони яратилганди. Ўтган вақт давомида тегишли давлат органлари ва ташкилотларнинг юридик хизмат ходимлари ўнлаб мурожаатларга аниқ жавобларни беришган.