Лавров КХДР бўйича баёнот билан чиқди

Россия ташқи ишлар вазири Сергей Лавровнинг маълум қилишича, Москва КХДР бўйича сиёсий жараённинг тикланишига муқобил вариант йўқ, деб ҳисоблайди. Бу ҳақда РИА «Новости» хабар бермоқда.

«Фикримизча, сиёсий жараённи тиклаш, хусусан, олти томонлама музокаралар бўйича муқобил вариант йўқ. Россия ва Хитой керакли таклифларни киритди. Биз уларни Нью-Йорк ҳамда бошқа майдончаларда илгари сурамиз», - деди Лавров.

Шу билан бирга, вазирнинг таъкидлашича, Россия шимолий кореялик қўшнилар билан мулоқотни давом эттиради.

Аввалроқ Шимолий Корея БМТ Хавфсизлик Кенгашининг янги санкцияларини қоралаб чиққанди.