Самарқанд шаҳри ҳокими ўзгарди: Раҳимов ўрнига бошқа Раҳимов

Бугун Халқ депутатлари Самарқанд шаҳар кенгаши сессияси бўлиб ўтди. Сессияда ташкилий масала кўрилган. 

Шу кунгача Самарқанд шаҳри ҳокими вазифасида ишлаб келаётган Воҳид Санақулович Раҳимов Самарқанд шаҳри ҳокими лавозимидан озод қилинган.

Булунғур тумани ҳокими вазифасида ишлаб келган Фурқат Жалолович Раҳимов Самарқанд шаҳри ҳокими лавозимига тайинланди.

KUN.UZ аниқлаган маълумотларга кўра, эндиликда Самарқанд шаҳрининг собиқ ҳокими В.С.Раҳимов Пахтачи тумани ҳокими лавозимига ўтказилган.

Эслатиб ўтамиз, Воҳид Раҳимов шу йил февралида шаҳар ҳокими этиб тайинланган, у бу лавозимда Акбар Шукуровни алмаштирганди.

Ўз мухбиримиз