Жанубий Корея ва Япония етакчилари КХДРдан ташвишда

Япония бош вазири Синдзо Абэ ва Жанубий Корея президенти Мун Чжэ Ин телефон мулоқоти ўтказиб, унинг доирасида КХДРнинг сўнгги ядро синовини муҳокама қилишди. Бу ҳақда «Рёнхап» агентлиги хабар бермоқда.

Давлатлар етакчилари янада қатъий жавоб чораларига, жумладан БМТ Хавфсизлик Кенгашининг Шимолий Кореяга нисбатан янги резолюциясига эришиш ҳақида келишиб олганлар.

Телефон мулоқоти 20 дақиқа давом этган.

Аввалроқ Kyodo агентлиги Япония ва АҚШ етакчилари бир кун ичида иккинчи марта Шимолий Кореяни муҳокама қилишгани ҳақида хабар берганди.