Фото: U.S. Geological Survey
Мексика қирғоқларида цунами тўлқинлари қайд этилди. Бу ҳақда цунамилар ҳақида огоҳлантириш Тинч океани маркази сайтида хабар берилган.
Тўлқинлар баландлиги уч метрга етмоқда, улар Мексика қирғоқларига хавф уйғотиши мумкин экани айтилмоқда.
Шунингдек, баландлиги 0,3 дан 1 метрга қадар бўлган тўлқинлар Гватемала, Сальвадор, Фижи, Самоа, Эквадор ва Янги Зеландия қирғоқларига ҳам етиб бориши эҳтимолга яқин.
Аввалроқ Мексика қирғоқларида жуда кучли зилзила юз бергани, цунами хавфи эълон қилингани хабар берилганди.
