Фото: Anadolu
Қатар амири Тамим бин Ҳамад ал-Таний Саудия Арабистони валиаҳд шаҳзодаси билан телефон мулоқоти давомида уни Форс кўрфазидаги инқирозга ечим топиш учун мулоқотни йўлга қўйишга чақирди. Бу ҳақда Саудиянинг SPA агентлиги хабар берган.
Ал-Танийнинг таъкидлашича, барча томонлар манфаатлари ҳисобга олинган ҳолда инқирозга ечим топиш жуда муҳимдир.
Ўз навбатида, Саудия Арабистони валиаҳд шаҳзодаси якуний қарор ҳақида бошқа томонлар – БАА, Миср ва Баҳрайн билан келишувга эришилгач, хабардор этишини таъкидлаб ўтди.
Телефон мулоқоти АҚШ президенти Дональд Трампнинг ташаббуси билан ўтказилган, деб хабар қилади Қатарнинг QNA агентлиги.
Аввалроқ Саудия Арабистони Қатар билан мулоқотдан бош тортгани хабар берилганди.
