Меркель партияси Германия бундестагига сайловларда ғолиб бўлди

Германиядаги парламент сайловларида Германиянинг Христиан-демократик иттифоқи/Христиан-социал иттифоқи (ХДИ/ХСИ) партиялари альянси 33  фоиз овоз билан ғолиб бўлди. 
2-ўринни Германия социал-демократик партияси 20,5 фоиз овоз билан эгаллади. 3-ўринни эгаллаган "Германия учун муқобил" партияси 12,6 фоиз овоз тўплаб, илк маротаба бундестагга кирди. Бу ҳақда барча 299 та сайлов округи бўйича овозлар ҳисоб-китоб қилингандан кейин маълум қилинган.

Шунингдек, яна 3 та партия бундестагга кириш учун зарур бўлган 5 фоизлик бўсағадан ўтиб, бундестагдан ўрин олди. Булар: Озод демократик партия (10,7 фоиз овоз), "Сўллар" (9,2 фоиз) ва "Яшиллар" (8,9 фоиз) партиялари.